..

Sooo.. do wäre mir widr mau. Guet grütscht is 2009 (und zwar wäutwyt as di erste), sy mr grad am packe. Morn geits wyter nach Napier. Aber nid so schnäu.. Zerst wei mer no chly vo däm verzöue wo mer scho erläbt hei, isch ja scho es Zytli här syt üsem letschte Itrag. Ds letscht mau gschriebe hei mer vo Nelson us. Syt däm symer wie planet, nach Greymouth düset, hei dert Shantytown agluegt ( e nachebouti Goudgreberstadt um 1860, inkl. Goudwöschaalag und Dampfloki). Ufem Rückwäg hei mer de ono e Stopp bide Pancakes-Rocks gmacht und sy de widr ds Nelson glandet. Vo Nelson us hei mer e Eitägige Usflug i Abel Tasman Nationaupark ungerno, wo mer sy ga Kayak und Wassertaxi fahre. Wiehnachte hei mer ds Collingwood gfiiret, imne härzige Backpackers, d Bsitzer hei de am 25te no es richtgs Dinner häre gleit. Am 26te hei mer e Usflug zum Cape Farewell gmacht, mitem Velo, wieu dert hingere ke Bus fahrt. Cape Farewell isch dr nördlechscht Punkt vor Südinsle und es isch würklech es sehr schöns Fläckli Ärde.
Nach Collingwood symer de nach Picton gfahre, e chlyni Hafestadt, u vo dert us heimer d Fähri nach Wellington gno. Und hie symer iz. Es isch schön, widr mau chly ire grössere Stadt ds sy und mir gniesse hie dr Luxus vo Gratisinternet und Subway-Sandwiches :) Hüt symer ga ds Cable Car fahre, es Zahnradbändli wo i Botanisch Garte führt. Später symer i Wellington-Zoo und inspiriert vo de Giraffe, Zebras und Löie, symr no ga Madagascar 2 is Chino ga luege..


Shantytown.


im Abel Tasman Nationaupark.

Dr Gützlitäuer a Wiehnachte


Dr Wharariki Strand bim Cape Farewell


Seelöie am Strand

unterwegs

Hallo zaeme,

Nachdaem das mer vier Tag ds Christchurch sy xi, hei mr dr Bus nach Kaikoura gno. Kaikoura cha eink nid vieu ussert dases dert Wale het. Die hei mr de woeue ga aluege, aber leidr isch ds Waetter nid guet xi am erste Tag, drum simer no e 2te blybe. am 2te hets de klappet, aso sy mr bi stuermische waetterbedingige ufs boetli gange (achtung seechrankheit :)).. d wale hei gloubs vom schlaechte waetter o d nase vou gha, drum hei si sech o nid la blicke.. drfuer hei mer delfine xe, das isch ou supr xi. trotzdaem simer de froh xi, wo mr abm boot hei choenne.

am naechste tag hei mr de dr bus nach blenheim gno (ussprach: blenem (?)), dert simr umgstiege nach nelson.
nelson isch super. mir sy iz dr 2 tag hie, ds waetter isch super (heiss..) und mir hei e schwizer troffe (achtung heiweh ;)).. er isch aargouer, naja loe mr la gaeute:)

jetzt no zu uesne plaen: am friti geits wyter nach greymouth ar westcoast, der goe mr ds beruehmte shantytown ga bsueche und fahre de am sunti widr nach nelson. ueber wiehnachte sy mr im abel tasman nationalpark, dae isch nordwestlech vo nelson (achtung niider: uf google golden bay neuseeland igae..)
ueber siuvestr sy mr de vorusichtlech ds wellington (aber das xeht me de no, hei ja schliesslech ferie)..

liebi gruess und vieu schnee
chrigu und kim

die erste taeg

Hallo Liebe Leute,

Aentlech finge mir Zyt, uese erst Iitrag uf em super kuhle Blog ds mache (mersi Mami..)

naja, New Zealand isch ou e spandende Ort und es blybt nid vieu Zyt, im Internet ga ds surfe..

glandet sy mer beidi letscht Zysti. Dr Chrigu isch am Morge acho (er het ueber L.A gkehrt) und i bi am Nami (fruesch

und munter (odr o nid) vo mim 4 Tages Ufenthaut in Hong Kong).

am erste tag hei mir (mir isch i daem fau = kim) nuem vieu moege mache. mir sy de no schnaeu ga ichoufe (im riesige park n` save, wos ds meischte nur i xxl format git (who cares?), aber riesig wyt zum loufe isch (I care!)..

naer hei mer de schnaue gmerkt, das mer mit dere ungrkunft womr buecht hei, e riese glueckstraeffer hei gmacht

(ussert am schnarchende japaner namens tagaaa im glyche zimmer). es het 2 grosi chuchine, intenet (ha-ha),

gueti sanitaeri alage (aja..) und naetti luet (zerst hei mer gmeint es sig 50 % japaner und 50 % Duetschi, was sech

aber de spaetischstens huet as irtum het use gstoeut)..

huet sy mer de ds erst mau am meer xi. dr sigi (wohnt bi ues im zimmer, schnarchet nid), het es outo kouft und de sy

mr a strand gfahre mit zwoei japnerinne und zwoei pole.. mit dene hei mer dert chly gschuttet (dr chrigu wet hie no erwaehne, dass er guet cha schutte, 1.2.3 Bravo!!) und chly fuuh am strand umeglaege und, me gloubts chum, mir hei fotos gmacht:

uese tag am strand. gfoetelet het dr chrigu. die ungere het ou aer gmacht, drum isch er nie awaesend :)

Christchurch:

(im Supermarkt)

Nid umsuesch wird Christchurch the Garden City gnennt. aues isch sehr gruen, ussert d strasse, die sy breit und

mit vieu befahre. d hueser erinnere zum teil a wild wild west..

gloucester street: dert wohne mir, im Kiwi House (dr japanisch Portie lost Patent Ochsner !! (we die das wuesste),

hei ihm grad no the rimini flashdown ufe pc glade :))